Panjouon ni angka sisean gabe sijala dengke i ma sada turiturian na ummuli di bagasan Barita Nauli. Disuru Jesus si Petrus sumapakkon jalana. Na so panagaman, dapot nasida godang situtu dengke pola maribak jala i. Huhut marsomba, didok si Petrus ma tu Jesus, “Laho ma Ho sian ahu Tuhan, ai halak pardosa do ahu.” Alai dialusi Jesus, “Unang ho mabiar. Olat ni on ma ho gabe sijala dengke.” Halongangan na sasintongna ndang godang ni dengke na dapot i, alai angka sijala dengke na tarbarita di topi Tao Gailea gabe sijala jolma. Marhite Sakramen Pandidion, parsidohot do hita di ulaon ni Kristus laho paluahon portibi on. Sude do hita disuru Jesus sumapakkon jala. Panjouonta gabe sijala jolma talapati marhite na gabe sitindangi ni Harajaon ni Debata di parngoluonta siganup ari.
Reviews
There are no reviews yet.